Astudiaeth Galchu

[ORIEL]

Bydd y mwyafrif o briddoedd yng Nghymru’n asideiddio dros amser a bydd angen taenu calch arnynt yn rheolaidd i gywiro pH y pridd. Mae’n hanfodol cynnal pH pridd ar y lefel cywir er mwyn cynnal iechyd a hyfywdra’r pridd. Bydd hyn yn sicrhau defnyddio maetholion yn effeithlon a thyfu glaswellt yn effeithiol.

Yn ddelfrydol, dylid cynnal pH eich pridd yn 6 neu’n uwch. Bydd pH pridd is na hyn yn arwain at aneffeithlonrwydd.

Yn IBERS Gogerddan, sefydlwyd lleiniau ar faes o dir pori hirdymor parhaol, gyda rhai rhannau wedi’u haredig a gwyndonnydd parhaol newydd wedi’u sefydlu arnynt. Byddwn yn archwilio effaith taenu calch dan wahanol arferion rheoli glaswelltir ar gyfansoddiad cemegol y pridd; a thrwy ddefnyddio'r technolegau diweddaraf, yn ymchwilio i sut mae calchu yn effeithio ar gymunedau microbaidd a ffwngaidd y pridd. Bydd cynhyrchiant a chyfansoddiad maethol y cnwd porthi’n cael ei fonitro dros dri thymor tyfu (2019–2021) i roi ffigurau cyfredol ar gyfer y diwydiant.

Triniaethau

1. Tir pori presennol – heb ei drin
2. Tir pori presennol – wedi’i drin â chalch calsiwm (wedi’i daenu ar yr wyneb)
3. Wedi’i aredig a’i ail hau – heb ei drin
4. Wedi’i aredig a’i ail hau – wedi’i drin â chalch calsiwm (wedi’i daenu ar yr wyneb)
5. Wedi’i aredig a’i ail hau – wedi’i drin â chalch calsiwm (wedi’i ymgorffori)