* Daeth y cynllun hwn i ben ym mis Mawrth 2023 *
?
Gan ddefnyddio’r eicon prif ddewislen (tri bar llorweddol) ar y dde ar frig y dudalen, gallwch ymweld ag amrywiol dudalennau ar wefan PROSOILplus. Bydd gan rai tudalennau ddewislenni unigol sy’n cysylltu ag adnoddau ychwanegol yn y rhan honno o’r wefan. Gallwch bori’r wefan hon yn Gymraeg neu yn Saesneg trwy glicio ar y ddolen iaith islaw’r ddewislen.
Yn ysbrydoli ffermwyr i warchod priddoedd
Menter dan arweiniad ffermwyr yw PROSOILplus, gyda’r nod o warchod priddoedd a manteisio i’r eithaf ar effeithlonrwydd y defnydd o faetholion ar ffermydd da byw. Rydym yn cefnogi rhwydweithiau lleol o ffermwyr sy’n gweithredu’n lleol ac yn ysbrydoli grwpiau rhanbarthol o ffermwyr.
Mae’r cynllun yn cefnogi ffermwyr i weithio gyda’i gilydd i ddatblygu arferion rheoli pridd arloesol. Cysylltir yr arferion arloesol hyn â gweithgareddau ymchwil IBERS er mwyn eu dilysu’n wyddonol.
Y nod yw cynyddu proffidioldeb a gwytnwch y gadwyn gyflenwi amaethyddol. Cyflawnir hyn trwy ddatblygu ac addasu arferion a thechnolegau rheoli pridd arloesol.
Mae PROSOILplus yn ymdrin â phum maes ffocws sy’n gysylltiedig â phridd:
- Rheoli a gwarchod tirweddau
- Diogelu a gwella bioamrywiaeth; lliniaru newid hinsawdd
- Rheoli priddoedd i ddiogelu stociau carbon a lleihau erydiad
- Cefnogi gwaith cydweithredol sy’n galw am newidiadau technolegol
- Lleihau goferiad dŵr wyneb a rheoli dŵr i helpu i leihau’r perygl o lifogydd
Daeth y cynllun hwn i ben ym mis Mawrth 2023
© Hawlfraint y cynlluniau PROSOIL a PROSOILplus | Ynghylch y Wefan Hon
- Yn ysbrydoli ffermwyr i warchod priddoedd -